Олий Лига 5-тури доирасидаги «Қўқон-1912» - «Динамо» учрашуви мухлис ва мутахассисларда катта қизиқиш уйғотмоқда.
Ушбу баҳсда «Динамо»ни қўллаб-қувватлаш учун самарқандлик мухлислар ҳам водийга боришган.
Жорий мавсумдан Олий Лига баҳсларини янада кенгроқ ёритишни мақсад қилган «Спорт» телеканали «Динамо» жамоасининг дастлабки учта турдаги Бекобод, Самарқанд ва Тошкентдаги ўйинларини намойиш этганди. Бу сафар телеканал 5-турдаги «Қўқон-1912» - «Динамо» баҳсини ҳам ёзиб олинган ҳолда намойиш этишни режалаштирган. Жума кунги ўйин 9 апрель, якшанба куни кундузги эфирда соат 13:20да телеканал орқали тўлиқ намойиш этилади.
