Англия профессионал футбол ассоциацияси (PFA) АПЛнинг йил ўйинчиси бўлишга давогарлар рўйхатини эълон қилди.

Рўйхатдан Эден Азар, Нголо Канте (иккиси – "Челси"), Златан Ибраҳимович ("Манчестер Юнайтед"), Ҳарри Кейн ("Тоттенҳэм"), Ромелу Лукаку ("Эвертон") ва Алексис Санчес ("Арсенал") ўрин олган.

Энг яхши ёш ўйинчи номига эса қуйидаги футболчилар номзод бўлиб турибдилар: Деле Алли, Ҳарри Кейн (иккиси – "Тоттенҳэм"), Майкл Кин ("Бернли"), Ромелу Лукаку ("Эвертон"), Жордан Пикфорд ("Сандерленд") ва Лерой Сане ("Манчестер Сити").

Ғолиблар профессионал футболчилар ва Англия касаба уюшмаси аъзолари иштирокдаги овоз бериш йўли билан аниқланади.