«Машъал» жорий мавсумни кўтаринки кайфиятда бошлади. Муборакликлар ортда қолган ўйинларда ўзига хос шов-шув кўтаришди. Хусусан, «Пахтакор»нинг мағлуб этилгани фикримизга исбот бўлиши мумкин. Албатта, мухлисларга шундай футбол маъқул келади. Кутилмаган натижаларнинг қайд этилиши стадионга ишқибозларни қайтаради. Биз «Машъал»даги ишончли ўйинлари орқали жамоаси ютуқларига муносиб ҳисса қўшаётган Сардор Раҳмонов билан суҳбатлашиб, ўзимизни қизиқтирган саволларга жавоб олдик.
- Сардор, ўтган мавсум «Нефтчи» шарафини ҳимоя қилдингиз. Фарғоналиклар сафини тарк этишингизга нима сабаб бўлди?
- Жамоани Мансур Саидов, Шукурали Пўлатов, Акмал Холматов, Жаҳонгир Меҳмонов каби етакчилар тарк этишди. Клуб раҳбарияти билан айрим масалаларда келиша олмадик. Шу боис ҳам «Нефтчи»дан кетишга мажбур бўлдим.
- Интервьюларингизнинг бирида клуб раҳбарияти ваъдасини бажарса, «Нефтчи»да қолишингизни айтгандингиз. Сизга қандай ваъда берилганди?
- Шартномада кўрсатилган баъзи бандлар бўйича келишиб олгандик.
- Демак, клуб раҳбарияти томонидан молиявий мажбуриятлар бажарилмаган...
- Шундай деса ҳам бўлади.
- Ҳалигача қарздорлик сақланиб қолганми?
- Йўқ. Мен билан ҳисоб-китоб ишлари тўлиқ амалга оширилган.
- Шартнома муддати якунланганмиди?
- Яна бир йил бор эди.
- Унда келишув икки томоннинг розилиги билан бекор қилиндими?
- Худди шундай.
- Сиз айтгандек, «Нефтчи»ни етакчи футболчилар тарк этишди. Уларнинг кетишига ҳам шу муаммо сабаб бўлдими?
- Ҳа, улар ҳам шартнома шартларини келиша олишмади.
- Бундан кўриниб турибдики, «Нефтчи»да етарлича муаммолар бор...
- Ҳозир вазият қандайлигини билмайман.
- «Машъал» варианти қай тарзда юзага келди?
- Ўтган мавсум якунланганидан ке-йин Муборак клуби раҳбарияти томонидан қизиқиш бўлганди. Ҳар томонлама ўйлаб кўриб, фаолиятимни «Машъал»да давом эттиришга қарор қилдим. Менга шахсан жамоа бош мураббийи Александр Хомяковнинг ўзи таклиф билан чиққанди. Жамоадаги келажагим ҳақида у киши билан гаплашиб олганим учун шартнома имзолашда ортиқча иккиланмадим.
- «Пахтакор»ни ниманинг эвазига мағлуб этдинглар? Буни кутилмаган натижага йўйиш мумкинми?
- Жамоавий ўйин ва кучли иштиёқ ҳисобига ғалаба қозондик. Қолаверса, ҳимояда ҳам тартибли ўйнадик. Шахсан мен буни кутилмаган натижа, демаган бўлардим.
- «Машъал» билан қанча муддатга битим туздингиз?
Бу ҳали ҳаммаси эмас, давоми бу ерда
