Бугун Мадриддаги муҳташам “Сантяго Бернабеу” стадионида “Реал” ва “Барселона” иштирокидаги “эл-класико” бўлиб ўтади. Ушбу қарама-қаршиликда кўпчиликнинг диққат-эътибори 9 марта “Олтин тўп”ни қўлга киритган икки футболчи Роналду ва Мессига қаратилади.
Биз мазкур футболчиларнинг “класико”лардаги кўрсаткичлари ҳақида қизиқарли маълумотларни эътиборингизга ҳавола этамиз.
***
- Месси “Эль-класико”ларда жами 21 та гол уриб, мутлоқ тўпурар бўлиб турибди. Роналду эса 16 та гол билан бу борада 3-ўринда бормоқда.
***
- 2009 йилдан буён, яъни Роналду ва Месси бир чемпионатда тўп сураётган даврдан бошлаб Криштиану 16 та, Лионель эса 15 та голга муаллифлик қилган.
***
- Аргентиналик ҳужумчи Ла лигада 14та, португалиялик эса 8 та гол уришнинг уддасидан чиққан.
***
- “Сантяго Бернабеу” стадионида Роналду 3 та, Месси эса 8 та гол киритган.
***
- Криштиану “Бернабеу”да чемпионатда киритган 3 та голини ҳам пенальтидан урган. Ҳозирча Португал ўғлони “Реал” майдонида ўйиндан гол ура олмаяпти.
***
- “Камп Ноу”да чемпионат ўйинларида Месси 6, Роналду эса 5 та голга муаллифлик қилган.
***
- Испания кубокларидаги “класико”ларда Роналду 5 та гол урган бўлса, Мессида бу рақам 0 ни ташкил этади. Ҳозирча Лео кубокда мадридликлар дарвозасига йўл топа олмаяпти.
***
- Испания суперкубогидаги натижалар борасида ҳисоб 5:3 Месси фойдасига!
***
- Чемпионлар лигаси турнирида ҳам “10” рақам эгаси 2:0 ҳисобида олдинда бормоқда.
***
- Месси 21 та голининг 9 тасини “Камп Ноу”да, 13 тасини эса “Сантяго Бернабеу”да нишонлаган.
***
- Дарвоқеа, Лионел ҳар иккала стадионда ҳам “хет-трик”ка эришган.
***
- Роналду эса 16 та голнинг 5 тасини “Сантяго Бернабеу”да, 10 тасини “Камп Ноу”да ва яна бирини нейтрал майдонда урган. Демак, ҳар иккала футболчи ҳам меҳмондаги ўйинларда кўпроқ тўп киритишган.
***
