"Атлетико" бош мураббийи Диего Симеоне ЕЧЛ яримфиналининг биринчи учрашувида "Реал"дан учралган мағлубият (0:3) ҳақида фикрларини билдирди.

"Биринчи бўлим биз учун ҳам, "Реал" учун ҳам ўхшамади - ҳар икки жамоа бир-бирига хавф солишди, аммо тўп узатишда хато қилишди. Шунга қарамай улар гол урдилар, биздан эса Гамейрода имконият бўлди, аммо Навас уларни қутқарди.

Иккинчи бўлимда биз тўпни кўпроқ назорат қилдик, аммо бу бизга ҳеч нарса бермади. "Реал" имкониятлардан фойдаланди. Футбол - бу ажойиб ўйин, бунда ҳар нарса содир бўлиши мумкин. Ҳали имкониятимиз бор деб ўйлайман.

Ўйиндан сўнг йигитларга мағлубиятни унутишларини айтдим. Бу жуда оғир, аммо бу футбол. Жавоб учрашувида финал ҳуштагигача ҳаракат қиламиз. "Реал" кучли бўлди ва биз уларни табриклашимиз керак. Кейинги ҳақтада ақлбовар иш қилишимиз керак. Биз "Атлетико"миз ва буни уддалашга қодир бўлишимиз керак", - дейди Симеоне.