"Atletiko" bosh murabbiyi Diyego Simeone YECHL yarimfinalining birinchi uchrashuvida "Real"dan uchralgan mag‘lubiyat (0:3) haqida fikrlarini bildirdi.
"Birinchi bo‘lim biz uchun ham, "Real" uchun ham o‘xshamadi - har ikki jamoa bir-biriga xavf solishdi, ammo to‘p uzatishda xato qilishdi. Shunga qaramay ular gol urdilar, bizdan esa Gameyroda imkoniyat bo‘ldi, ammo Navas ularni qutqardi.
Ikkinchi bo‘limda biz to‘pni ko‘proq nazorat qildik, ammo bu bizga hech narsa bermadi. "Real" imkoniyatlardan foydalandi. Futbol - bu ajoyib o‘yin, bunda har narsa sodir bo‘lishi mumkin. Hali imkoniyatimiz bor deb o‘ylayman.
O‘yindan so‘ng yigitlarga mag‘lubiyatni unutishlarini aytdim. Bu juda og‘ir, ammo bu futbol. Javob uchrashuvida final hushtagigacha harakat qilamiz. "Real" kuchli bo‘ldi va biz ularni tabriklashimiz kerak. Keyingi haqtada aqlbovar ish qilishimiz kerak. Biz "Atletiko"miz va buni uddalashga qodir bo‘lishimiz kerak", - deydi Simeone.
