Англия футбол уюшмаси (FA) қуйи лигаларда инқилобий ўзгаришларни синовдан ўтказмоқчи.
BBC хабарига кўра, FA раҳбарияти вақтинчалик четлатиш қоидасини қўллаб кўришни режалаштирмоқда.
Унга кўра, футболчи ҳакам билан тортишиб, сариқ карточка билан жазоланса, 10 дақиқа давомида майдонни тарк этади. Бу қоида Англиянинг 7-лигаси ва ундан ҳам пастки лигаларда синовдан ўтказилади.
FA барча клубларга бу ҳақда хат жўнатиб, тажрибада иштирок этишни таклиф қилган. Ҳозирги кунда Англиянинг ҳаваскорлар лигасида олинган ҳар бир сариқ карточка учун клублар 10 фунт жарима тўлайди. Тажрибада иштирок этишга рози бўлган клублар бу жаримадан озод қилинади.