Саудия Арабистонида «Реал» ҳужумчиси Криштиану Роналдуни ижарага олиш режалаштирилмоқда.
Mirror хабарига кўра, жаҳон футболи юлдузи билан учрашишни хоҳлаган шахс 920 минг фунт тўласа кифоя, у билан 4 соат вақт давомида бирга бўлиш имкониятини қўлга киритади.
Айни пайтда Саудия Арабистонининг номи тилга олинмаган бир компанияси бу имкониятдан фойдаланиб қолмоқчи. Компания вакиллари 920 минг фунт тўлаб, Роналду билан 4 соат давомида бирга бўлиб, бу ҳақда ижтимоий тармоқларда иккита хабар қолдириш, Роналдунинг дастхати туширилган 5та футболкани қўлга киритиш ва фотосессия уюштириш имкониятига эга бўлмоқчи. Бундан ташқари, компания 1 кун давомида унинг фотосуратидан маҳаллий рекламалар учун фойдаланиш ҳуқуқини ҳам қўлга киритмоқчи.
