Олий лига 10-тур ўйинлари доирасида "Навбаҳор" “Қўқон-1912” клубини қабул қилади.

"Водий дербиси" мақомидаги мазкур ўйинга томонлар муносиб ҳозирлик кўришди. Бугун соат 18:00 да "Қўқон-1912", 19:00 да эса "Навбаҳор" "Марказий" ўйингоҳда сўнгги машғулотни ўтказишди. Ушбу учрашув барчанинг диққат марказида турибди. Боиси, мусобақа жадвалида 2- ўринда бораётган қўқонликларни "лочинлар" таъқиб қилиб боришмоқда.
Олий лига доирасида жамоалар 22 бор ўзаро дуч келишган. Шундан 15 та баҳс “Навбаҳор” ғалабаси билан якунланган. Учта учрашувда дуранг қайд этилган бўлса, тўртта ўйинда қўқонликлар ғалаба қозонган. Тўплар нисбати 49-24, “Навбаҳор” фойдасига. Наманганда ўтказилган сўнгги иккита учрашув "Навбаҳор"нинг бир хил 2:1 ҳисобидаги ғалабаси билан тугаган. Ўтган йили "Марказий" ўйингоҳда "навбаҳорчилар" ушбу рақиб устидан йирик 5:1 ҳисобида зафар қучишганди. Миржалол Курбоновнинг голига Игорь Голбан, Дилшод Жабборов ва Олександр Пишчур (3 та) жавоб қайтаришганди. "Навбаҳор" майдонида "Қўқон-1912" умуман очко олмаган. Барча 22 ўйинда қўқонликлар мағлубият билан ортга қайтишган. Сўнгги уч қарама-қаршиликда рақиб биттадан гол уримоқда.

Наманганда ўтган ўйинлар:
1992 йил "Навбаҳор" – "Қўқон-1912" - 2:0
1993 йил "Навбаҳор" – "Қўқон-1912" – 2:1
1994 йил "Навбаҳор" - "Қўқон-1912" 1:0
1995 йил "Навбаҳор" - "Қўқон-1912" 1:0
1995 йил "Навбаҳор" - "Қўқон-1912" 4:1
1998 йил "Навбаҳор" - "Қўқон-1912" 4:2
1999 йил "Навбаҳор" – "Қўқон-1912" – 2:1
2000 йил "Навбаҳор" – "Темирйўлчи" - 5:4
2002 йил "Навбаҳор" – "Қўқон-1912" - 2:0
2003 йил "Навбаҳор" – "Қўқон-1912" - 5:1
2015 йил "Навбаҳор" – "Қўқон-1912" – 2:1
2016 йил "Навбаҳор" – "Қўқон-1912" - 5:1

Эслатиб ўтамиз, 12 май куни соат 18:00 да старт оладиган “Қўқон-1912”га қарши учрашувни Валентин Коваленко бошчилигидаги ҳакамлар бригадаси бошқариб боради.