«Барселона» ҳужумчиси Лионель Месси «Олтин тўп»га асосий номзодлар рўйхатига киритилмаганидан норози бўлган.

France Football талқинига кўра, жорий йилда соврин учун асосий даъвогарлар - Криштиану Роналду («Реал»), Антуан Гризманн («Атлетико»), Килиан Мбаппе («Монако») ва Жанлуижи Буффон («Ювентус») ҳисобланади.

Don Balon хабарига кўра, Месси бу рўйхатдан жой олмаганидан қаттиқ ранжиган. Унинг фикрига кўра, бош мураббий Луис Энрикенинг тактика борасидаги хатолари бўлмаганда ва Жереми Матьё, Андре Гомеш, Лука Динь, Алейкс Видаль ва Пако Алькасер каби футболчилар жуда суст ўйнамаганида бу йили «Олтин тўп»ни қўлга киритиш имкониятлари юқори бўларди деб ҳисобламоқда.