"Реал" ҳимоячиси Начо жамоа ҳужумчиси Алваро Моратага жамоасини ўзгартирмасликни маслаҳат беряпти.
Мората мадридликлар сафида етарли ўйин амалиётига эга бўлмаяпти, мавсум давомида ОАВ унинг бошқа клубга ўтиши ҳақида ёзишди.
"Мен Моратага "Реал"да қолишни маслаҳат бераман. У менинг яқин дўстим ва ажойиб футболчи. Ёзги трансферлар ақлдан оздириши мумкин. Аммо сизларни ишонтириб айтишим мумкинки, Мората мен каби "мадридчи"дир. Балки бунданам ортиқроқдир, - дейди Начо.
Испанияда кўпчилик жамоа бош мураббийи Зинедин Зиданнинг Моратага нисбатан адолатсизлик қилмоқда, деб ҳисоблаяптилар. Мората 24 учрашувда майдонга тушган, уларнинг 13 тасида асосий таркибда бўлган. 15 та гол уриб, 4 та голга тўп оширган. ЕЧЛда 3 та гол, мамлакат кубогида 2 та гол урган.
