Кеча Формула 1 пойгалари бўйича 2017 йилги мавсумнинг 5-босқич баҳслари бўлиб ўтди.
Испаниянинг Барселона трассасида бўлиб ўтган пойгада ғолиблик учун кураш кутилганидек "Мерcедес" ва "Феррари" пойгачилари ўртасида бўлиб ўтди. Баҳс аввалида, "Феррари" пойгачиси Кими Райконен "Ред Булл" аъзоси Макс Ферстаппен билан тўқнашиб кетди. Орадан бироз вақт ўтгач, "Мерcедес"нинг финляндиялик пилоти Валттери Боттас двигателидаги муаммо сабаб пойгани эрта якунлашга мажбур бўлди.
Ғолиблик учун кураш эса Люис Ҳэмилтон ва Себастян Феттел ўртасида кечди ва унда германияликлар тактик режа эвазига "Феррари" жамоасини доғда қолдира олишди. Шиналардаги фарқ эвазига Ҳэмилтон рақибини биринчи бурулишда ортда қолдириб пойга охирига қадар уни ўзига яқинлаштирмасликка муваффақ бўлди ва мазкур мавсумдаги иккинчи Гран Присида ғолиб бўлди.
Шу тариқа чемпионатда Феттел ва Ҳэмилтон орасидаги фарқ 6 очкогача қисқарган бўлса, конструкторлар пойгасида "Мерcедес" энг яқин таъқибчидан 8 очкога илгарилаб кетди.
Кейинги Гран При Монаконинг "Монте-Карло" трассасида икки ҳафтадан сўнг бўлиб ўтади.
Формула 1. Барселона Гран Приси
1. Льюис Ҳэмилтон (Mercedes) – 1:35:56.497
2. Себастьян Феттел (Ferrari) – 1:35:59.987 +3.490
3. Даниэл Рикьярдо (Red Bull) – 1:37:10.475 +1:13.978
