"Барселона"ҳужумчиси Неймар жорий мавсумни жамоа сафига қўшилгандан буён энг яхшиси дея атади.

– Мен учун жуда ҳам яхши мавсум бўлмоқда. Ўйлайманки, "Барселона" сафига қўшилганимдан бери энг яхшиси.

Янги даражага етиб бордимми ёки йўқ буни билмайман. Бу ҳақида чуққурроқ ўйлаш керак.

Ҳар доим жамоанинг энг муҳим ўйинчиларидан бўлишга интилганман. Умуман, жамоамизда ҳар бир ўйинчининг ўз жойи бор.

Доимо кучли футболчилар билан ўйнашни хоҳлаганман, Месси эса кучлиларнинг энг кучлиси.

Энг яхши футболчи бўлишни орзу қиламан. Ўйлайманки, бунга ҳали вақт етарли. Шошилмоқчи эмасман.

Барча ўйинчилар "Олтин тўп"ни орзу қилишади. Мен ҳам қачондир уни қўлга киритаман деб умид қиламан – дейди Неймар goal.com порталига.