«Реал» ҳимоячиси Начо Примеранинг 21-туридан ўрин олган «Сельта»га қарши ўйинда майдонга тушади.

Футболчи «Севилья»га (4:1) қарши ўйинда мавсумдаги 5-сариқ карточкасини олган ва навбатдаги турни ўтказиб юбориши шарт эди. Бироқ «Реал» ҳакамнинг бу қарори юзасидан Тартиб-интизом қўмитасига шикоят қилди. Ўз навбатида у Начонинг дисквалификациясини ўз кучида қолдирди. Бироқ «Реал» рақобат қўмитасига ҳам шикоят қилди. Marca хабарига кўра, қўмита «Реал»нинг шикоятини қаноатлантирди ва дисквалификацияни бекор қилиб, футболчини оқлади.

Энди у бугун ўтказиладиган «Сельта» клубига қарши ўйинда майдонга тушади.