Ўзбекистоннинг Япониядаги элчиси Фаррух Турсунов Жей лига ўйинини стадионнинг ўзидан томоша қилгани маълум бўлди.

ЎФФ ходими Шерзод Эгамбердиев ўзининг Facebook’даги саҳифасига Фаррух Турсуновнинг ўзбекистонлик футболчи Фозил Мусаевни йўқлаётгани акс этган суратни жойлади. Бу ҳолат «Кавасаки Фронтале»га қарши учрашув олдидан бўлганди.

Беллашув «Жубило Ивата»нинг 0:2 ҳисобидаги мағлубияти билан якунига етди. Айни пайтда Фозил Мусаев тўп сурадиган клуб 18 жамоа орасида 10-ўринни эгаллаб турибди.

Фозил Мусаевга қадар ўзбекистонлик футболчиларга Япония Жей лигасида тўп суриш насиб қилмаган. Бу борада у биринчи ўзбекистонлик футболчи ҳисобланади.