«Атлетик» клубининг собиқ устози Эрнесто Вальверде «Барселона» клубига ўтиши ҳақидаги саволга жавоб берди.
«Кейинги саргузаштимни мураккаброқ бўлишини истайман. Ҳозирча ҳеч ким билан келишувга эришмадим, аммо катта клубдан жиддий таклиф олганман.
«Атлетик»ни тарк этишда кўп ўйладим. Аммо бу қароримни барча учун тўғри эканига ишоняпман.
«Барселона» ҳақидаги гапларга келадиган бўлсак, матбуотда қандай миш-мишлар ёритилаётганини билмайман. Ўз навбатида, менга алоқаси йўқ клублар ҳақида гапирмайман» - деди Вальверде Marca хабарида.
