"Барселона" ҳужумчиси Лионель Месси Испания чемпионати якуни бўйича дастлабки индивидуал совринларни қўлга киритишни бошлади.
"Marca" нашри ўз ўқувчилари ўртасидаги сўровнома ўтказиб, Испания Ла лигасининг якунланган мавсумидаги энг яхши футболчисини аниқлади. Унга кўра, Месси 42 фоиз овоз тўплади ва 1-ўринни қўлга киритди. Аргентиналик футболчи ўзидан кейинги поғонани банд этган Криштиану Роналду (29%) ва Иско (17%)ни анча ортда қолдирди.
Эслатиб ўтамиз, Месси Ла лиганинг ушбу мавсумида 37та гол билан чемпионат тўпурарига айланди ҳамда амалда "Олтин бутса"ни ўзиники қилиб қўйди. Роналду эса 25та гол уришга муваффақ бўлди.
