Испания молия вазирлиги мамлакат солиқ хизматининг "Реал" ҳужумчиси Криштиану Роналдуга қўйган айбловини қўллаб-қувватлади, дея хабар беради Marca.
Органларнинг ҳисобига кўра, футболчи 2011 дан 2013 йилгача 600 минг евро миқдорида солиқни тўламаган, буни жиноий иш сифатида қабул қилиш мумкин. Бунинг учун Роналду 5 йил муддатга қамоқ жазосига ҳукм қилиниши мумкин.
Аммо молия вазирлигининг тан олишича, агар футболчи ўз айбини тўлиқ тан олса ва яширилган солиқ тўлиқ ҳолда тўланса - ҳукм юмшатилиши мумкин. Бу қамоқ муддатини 15 ойгача камайтирилишига олиб келади. Бундан ташқари суриштирув ишларида Роналду юристларининг ҳаракатлари ҳам назорат остига олиниши мумкин.