"Барселона" бош мураббийи Луис Энрике Испания кубоги финалида "Алавес" билан учрашув олдидан фикрларини билдирди.
"Балки, мен 10 июль куни сизларга сюрприз қиларман. Кимдир юрак хуружини бошдан кечириши мумкин, мен эса ёшман... Нима учун қайтмаслигим керак?
Матбуот менинг ишда қариганимни айтмоқда, ўзингиз эса тўлишиб кетгансиз.
Мен қаторасига учинчи Испания кубоги финалига чиқишимдан эмас, ундаги ғалабадан мамнун бўламан. Менда "Барселона"нинг яна бир циклини соврин билан тугатиш имконияти бор.
"Алавес" - салобатли жамоа, улар яхши мавсумни ўтказдилар. Улар узоқ масофали пасларни яхши ўйнайдилар. Биз эса "Алавес"нинг финалда ўйнаш тажрибаси йўқлигидан фойдаланишга ҳаракат қиламиз.
Бу матбуот анжуманлари циркка ўхшайди, аммо бу ерда масхарабоз ким эканлигини айтмайман.Ўзимни бу ерда ноқулай ҳис қиламан. Мен ўз ўйинчиларимни ҳимоя қилишга ҳаракат қилдим, чунки бу менинг усулим, уни ўзгартирмоқчимасман", - дейди Луис Энрике.
