Каталониянинг «Барселона» клуби ўзининг Twitter саҳифасида Мадриднинг «Реал» клубини Чемпионлар лигасида ғалаба билан табриклади.
Мазкур твитга билдирилган муносабат 12 соат ичида 50 мингдан кўпроқ бўлди. Ўқувчиларнинг 30 мингга яқини табрик йўлланган твитни favourite тугмаси билан ўзи учун қайд этиб қўйди, 25 мингга яқин киши эса твитни ўз ўқувчилари билан улашди.
«Барселона» футбол клуби томонидан ёзилган табрикномага икки минг мартадан кўпроқ фикр ёзиб қолдирилган.
Каталонияликлар мавсумни Испания кубоги соҳибида сифатида якунлаган бўлса, «Реал» аввалига Ла лигада, кейинроқ эса Чемпионлар лигасида зафар қучишга муваффақ бўлди.
