UFC ва Bellator собиқ жангчиси Жонатан Коппенҳавер умрбод қамоқ жазосига маҳкум қилинди.
«Ҳарбий машина» лақабли спортчи дугонасини дўппослагани учун шундай жазога лойиқ кўрилди.
2014 йил август ойида Коппенҳавер дугонасини бегона эркак билан кўриб қолади. Дастлаб у эркакни дўппослайди. Шундан сўнг, икки соат давомида дугонасини уриб, азоблайди. Натижада қизнинг тишлари тўкилиб кетади, кўз чаноғи ва қовурғаси синади, жигари ёрилади. Шундан сўнг, унга пичоқ ўқталиб, зўравонлик қилишга уринади.
Март ойида ўтказилган суд маҳкамасида Коппенҳавер 34 айблов бандининг 29таси бўйича айбдор деб топилди ва умрбод қамоқ жазосига маҳкум қилинди. Агар у ўзини қамоқда яхши тутса, 36 йилдан сўнг шартли равишда озод қилинишини сўраб ариза бериши мумкин.
