«Барселона» ҳимоячиси Жерар Пике «Реал» клубининг сўнгги ютуқлари ҳақида гапирди.
Хусусан у Испания чемпионати ва ЕЧЛ финалида ғалаба қозонган «Реал» янги даврни бошлагани ҳақидаги гап-сўзларга муносабат билдирди.
«Бир вақтлар «Реал» Испания кубогида ғалаба қозониб, чемпионлик парадини ўтказган эди. Биз уни шу билан кифояланишга мажбур қилгандик.
Қачонки, «Барселона» ҳам кубокдаги ғалаба туфайли чемпионлик парадини ўтказса, шунда «Реал»нинг даври келгани ҳақида гапиришимиз мумкин бўлади.
«Барселона»нинг муваффақиятли даврини «Реал»нинг сўнгги икки мавсумдаги ғалабалари билан тенглаштириб бўлмайди» - деди Пике.
