«Барселона» ҳужумчиси Лионель Месси азалий рақобатчиси Криштиану Роналду ҳақида ўз фикрларини айтди.
Аввалроқ, Роналду Месси ҳақида илиқ сўзларни айтиб, уни ҳурмат қилишини маълум этганди.
«У мен ҳақимда нима деган бўлса, мен ҳам у ҳақда шу гапларни айтганман. Бизнинг ўртамиздаги рақобатни матбуот жуда бўрттириб юборяпти.
Ҳар биримиз энг яхши бўлишга ҳаракат қилмоқдамиз. У билан гаплашсам, рақобатга аҳамият бермайман. Криштиану Роналду — жуда кўп яхши ҳислатларга эга бўлган ажойиб футболчи. У йилдан йилга кучайиб бормоқда. У дунёнинг энг яхши футболчиларидан биридир» - деди Месси ESPN хабарида.