Бугун “Насаф” ПФК бош менежери Шамил Яруллин бир гуруҳ фаол мухлислар билан юзма-юз мулоқот ўтказди.
Мулоқот реконструкция ишлари ниҳоясига етаётган, янги кўринишдаги “Марказий” стадионда бўлиб ўтди. Яруллин йиғилганларга стадионда олиб борилган кенг кўламдаги реконструкция ишлари ва бу орқали яратилган ўзгаришлар, ҳамда келгусида амалга ошириладиган ишлар ҳақида ҳам маълумот берди. Мулоқот очиқ ва самимий руҳда ўтди.
Мулоқот давомида мухлисларнинг стадионда ўзларини тутиш тартиб-қоидалари, бу ҳақда ОФК талаблари ҳам уларга яна бир марта тушунтирилди.
"Қўқон-1912" жамоаси билан бўладиган, Ўзбекистон Кубогининг 1/4 финали дастлабки учрашуви, 30 июн куни "Марказий" стадионда бўлиб ўтиши расман эълон қилинди. Яруллин ушбу ўйинни ўтказиш бўйича олиб борилаётган тайёргарликлар ҳақида ҳам маълумот бериб ўтди.
Шундан сўнг, клуб раҳбари, мухлисларни қизиқтирган кўплаб саволларга ҳам жавоб берди.
