"Реал" жамоа ҳужумчиси Криштиану Роналдуни бошқа клубга ўтмасликка кўндиряпти.

Аввалроқ, португалиянинг A Bola нашри солиқ жинояти айблови туфайли Роналду Испанияни тарк этмоқчи эканини хабар қилган эди. Marca хабарига кўра, Роналдунинг Испаниядан кетмоқчи бўлаётгани рост хабар. "Реал" президенти Флорентино Перес вазиятдан шахсан хабардор қилинди.

Роналдунинг фикрича, Испания солиқ органлари унга нисбатан адолатсиз қарорлар қабул қилмоқда. Шу сабабли у фаолиятини бошқа мамлакатда давом эттирмоқчи.

"Реал" футболчини қолишга кўндирмоқда. Аввалроқ мадридликлар 14,7 млн евро солиқни тўламаганликда айбланаётган футболчини расман қўллаб-қувватлаган эдилар.

Футболчига "МЮ" ва "ПСЖ" клублари давогарлик қилишмоқда. Эҳтимолий трансфер нархи 180 млн еврога баҳоланмоқда. Шунингдек, Роналдуга хитой клублари ҳам қизиқмоқдалар. "Реал" ҳозирча, Роналду борасида таклиф олмаган.