Халқаро чемпионлар кубоги доирасида "Реал" дастлабки ўйинни ўтказди. Зидан шогирдларига Моуриньо бошқарувидаги "Манчестер Юнайтед" рақиблик қилди.

Мадридликлар дастлабки дақиқалардан асосий таркиб билан ҳаракатланган бўлсалар-да, ҳисобни очиш манкунианликларга насиб этди. Биринчи бўлимга қўшиб берилган дақиқаларда Жесси Лингард "Реал" дарвозасини ишғол қилди.

Иккинчи бўлимда Зидан майдонга захира таркибини туширди. Шунга қарамай, "Қироллик клуби" ҳисобни тенглаштиришга муваффақ бўлди. Каземиро пенальтидан кучли зарба бериб, дарвозани ишғол қилди.

Ўйиннинг асосий вақти дуранг билан якунланди. International Champions Cup регламентига кўра, ўйиндан кейин пенальтилар серияси амалга оширилди. Унда камдан-кам ҳисоб қайд этилди — 2:1. Эътиборлиси, ўйинда пенальтидан гол урган Каземиро сўнгги зарбада адашди — тўп устунга тегиб, юқорига кўтарилиб кетди.

International Champions Cup
Сан-Франциско, АҚШ
Реал Мадрид Испания – Манчестер Юнайтед Англия 1:1 (0:1), пенальтилар серияси - 1:2
24 июль, 02.05, «Levi's Stadium»
Голлар: 0:1 – 45 Лингард, 1:1 – 69, пенальти Каземиро.
Реал Мадрид – Навас (Касилья, 46), Варан (Кесада, 46), Марсело (Техеро, 46), Карвахаль (Ҳакимий, 46), Начо (Ману, 46), Иско (Оскар Родригес, 46), Кроос (Каземиро, 46), Васкес (Тео, 46), Модрич (Ковачич, 46), Бэйл (Фойласье, 46), Бензема (Дани Гомес, 46).
Манчестер Юнайтед – Ромеро (Де Хеа, 46), Джонс (Смоллинг, 46), Байи (Линделеф, 46), Дармиан (Валенсия, 77), Лингард (Погба, 46), Фосу-Менса (Блинд, 46), Феллайни, Кэррик (Мхитарян, 46), Перейра (Эррера, 46; Мактомини, 52), Марсьяль, Рэшфорд (Лукаку, 46).
Огоҳлантириш: Оскар Родригес (85).