«ПСЖ» ҳимоячиси Дани Алвес «Барселона» ҳужумчиси Неймарни парижликлар сафига чорлади.

"Умид қиламанки Неймар «ПСЖ»га ўтади. Бу унинг учун муҳим қарор бўлади. Эркак киши бундай қарор қабул қилиши лозим. У менинг энг яхши дўстларимдан бири ва мен уларни ёнимда бўлишини истайман. Ўз вақтида мен унга «Барселона»га ўтишида ёрдам берган эдим.

Унга клуб ҳақида сўзлаб берганман. Бундай қарорларни фақат дадил одамлар қабул қилади. У ўзи учун ўсишда давом этадими ёки йўқми деган саволга аниқлик киритиб олиши керак.

Аммо ҳаммаси унинг ўзига боғлиқ. Агар у «Барселона»да қолишни истаса, қолсин. Бошқа жойга кетгиси келса, кетсин. Мен шунчаки дўстим бахтли бўлишини истайман.

Баъзан худбин бўлишга тўғри келади. Чунки яхши натижа қайд эта олмасангиз клуб сиз ҳақингизда ўйламайди. Мисол учун ўзимни олайлик. Шунинг учун ҳам Неймарга, дадил бўл, деган бўлардим. Дунё мардларга тегишли" - деди Алвес.