«Реал» ҳужумчиси Криштиану Роналду суд маҳкамасида иштирок этиш учун Посуэло-де-Алакронга етиб келди.

Маълумки, 32 ёшли футболчи Испания прокуратураси томонидан 2011-2014 йиллар давомида 14,8 млн евро миқдоридаги солиқларни тўлашдан бўйин товлаганликда айбланган эди.

Турли манбалар Роналду ишининг қандай якунланиши тўғрисида турлича фикр билдирмоқда. As хабарига кўра, футболчи судда оқланиши мумкин. Испаниянинг бошқа нашрлари унга 2 йиллик шартли қамоқ жазоси ва 14,8 млн евро миқдоридаги жарима жазоси белгиланишини тахмин қилмоқда.