«Реал» ҳужумчиси Криштиану Роналду Посуэло-де-Алакронга ташриф буюриб, солиқлардан бўйин товлаганлик иши бўйича судда кўрсатма берди.

Marca хабарига кўра, 32 ёшли португалиялик футболчи суд мажлиси залини тушкун ҳолатда тарк этди. У матбуот вакиллари саволларига жавоб беришни истамай, зудлик билан уйига равона бўлди.

Эслатиб ўтамиз, Роналду Испания прокуратураси томонидан 2011-2014 йиллар давомида 14,8 миллион евро миқдоридаги солиқни тўлашдан бўйин товлаганликда айбланган.

Агар айби исботланса, унга 2 йиллик шартли қамоқ ёки 14,8 млн евро миқдоридаги жарима жазоси тайинланиши мумкин.