«Реал» ҳужумчиси Криштиану Роналду солиқлардан бўйин товлаганлик иши бўйича судда кўрсатма берганидан сўнг, журналистлар олдида чиқиш қилди.
«Испания солиқ идораси менинг даромадларим ҳақида тўлиқ маълумотга эга, барча зарур ҳужжатларни тақдим қилганман.
Мен ҳеч қачон, ҳеч нарсани яширмаганман ва солиқларни тўлашдан бўйин товламаганман.
Мен ҳар доим ўз ихтиёрим билан солиқ декларациясини тўлдираман, чунки ҳар бир инсон даромадига яраша солиқ тўлаши шарт деб ҳисоблайман.
Мен молиявий маслаҳатчиларимдан сўрадим, улар ҳамма ҳужжатлар жойида эканини, барча солиқлар тўғри тўланганини айтишди. Мен ҳеч қандай муаммо юзага келишини истамайман.
Энди одил суд ўз ишини қилиши керак. Мен адолатга ишонаман ва адолатли қарор чиқарилишини истайман. Кераксиз босимга учрамаслик учун, то суд қарори чиқмагунча бу масалага бошқа изоҳ бермайман" - деди Роналду As хабарида.
