«Реал» ҳужумчиси Криштиану Роналду ўзининг Инстаграмдаги саҳифасига сирли сурат жойлади. Суратнинг марказида ўз расми жойланган бўлиб, атрофидан нур сочиб турган ҳолатни акс эттирган.
«Менинг ёғдум одамларни безовта қилади. Зараркунандалар эса фақат чироқларга бориб урилади», — дея ёзди Роналду «Инстаграм»да.
Роналду куни кеча катта миқдорда солиқларни тўламаганлик айби юзасидан судда кўрсатма берди. Шундан сўнг у Инстгаграмда юқоридаги хабарни қолдирди. Испания прокуратураси футболчини қиёфа ҳуқуқларини сотишдан олган даромадларини солиқдан яширганликда айблаётган бўлса, Криштиану ўзининг айбсиз эканини таъкидлади.
