Португалиялик сеҳргар Фафе "Реал" ҳужумчиси Криштиану Роналду тавқи лаънатга учраганини айтди.

Маълумки, футболчи Испания прокуратураси томонидан 14,7 млн евро миқдоридаги солиқларни тўлашдан бўйин товлаганликда айбланган эди. Яқинда эса, Испания суперкубоги баҳсида ҳакамни туртиб юборгани учун 5 ўйинга дисквалификация қилинди.

Сеҳргарнинг гапига кўра, Роналду 2005 йилда отаси Жозе Диниш Авейрунинг дафн маросимида иштирок этмаган ва Португалия термаси таркибида Россияга (0:0) қарши ЖЧ-2006 мусобақасининг муҳим саралаш ўйинида майдонга тушган. Шу туфайли у тавқи лаънатга учраган.

"Роналду маънан ва жисмонан заиф эди. У футбол ўйнаш учун отасининг дафн маросимига келмади. Натижада жуда катта энергияни йўқотди. У отаси билан ҳаёт даврида гаплашмасди, ўлимидан сўнг эса хайрлашиб ўтирмади. Албатта бундай ҳаракати жазосиз қолмади. Отаси қандай инсон бўлишидан қатъий назар, бундай ҳаракати уни қувватсизлантирди.
Унга ва оиласига кучли сеҳргар керак. Мен унга бепул ёрдам беришга тайёрман" - деди Фафе Flash хабарида.