"Бухоро" клуби мухлислари дарвозабон Сардор Қобулжоновга ёрдам қўлини чўзишни мақсад қилган.

Бу ҳақда жамоа мухлисларининг телеграм канали хабар бермоқда.

"Бир неча йил "Бухоро" футбол жамоаси шарафини ҳимоя қилган ва биз учун азиз бўлиб қолган дарвозабонимиз Сардор Қобулжоновга ёрдам қўлларимизни чўзсак, нур устига аъло нур бўлар эди. Ўтган йилги чемпионатда "Бухоро" жамоаси дарвозасини ҳимоя килган вақтида олган жароҳати туфайли Сардор ҳали ҳануз футбол ҳавосидан нафас олмай келмокда.

Биз "Бухоро" мухлислари Сардор Қобулжоновга албатта қўлимиздан келганча ёрдам беришимиз зарур, бежиз халқимизда дўст кулфатда билинади деб айтилмаган.

Келинг, азиз дўстлар барчамиз Сардорни қўллаб қувватлайлик! Ўтган учрашувда 2,3 млн сўм йиғилди, бугун яна шунча йиғишимизга ишонамиз! Стадионда бугун 2 қутини айлантириб юришади, ўшанда сиз ердам қўлингизни чўзишингиз мумкин!

Қўшимча маьлумот учун +99891-411-3256 рақамига қўнғироқ қилишингиз мумкин" - дейилади хабарда.