"Buxoro" klubi muxlislari darvozabon Sardor Qobuljonovga yordam qo‘lini cho‘zishni maqsad qilgan.
Bu haqda jamoa muxlislarining telegram kanali xabar bermoqda.
"Bir necha yil "Buxoro" futbol jamoasi sharafini himoya qilgan va biz uchun aziz bo‘lib qolgan darvozabonimiz Sardor Qobuljonovga yordam qo‘llarimizni cho‘zsak, nur ustiga a’lo nur bo‘lar edi. O‘tgan yilgi chempionatda "Buxoro" jamoasi darvozasini himoya kilgan vaqtida olgan jarohati tufayli Sardor hali hanuz futbol havosidan nafas olmay kelmokda.
Biz "Buxoro" muxlislari Sardor Qobuljonovga albatta qo‘limizdan kelgancha yordam berishimiz zarur, bejiz xalqimizda do‘st kulfatda bilinadi deb aytilmagan.
Keling, aziz do‘stlar barchamiz Sardorni qo‘llab quvvatlaylik! O‘tgan uchrashuvda 2,3 mln so‘m yig‘ildi, bugun yana shuncha yig‘ishimizga ishonamiz! Stadionda bugun 2 qutini aylantirib yurishadi, o‘shanda siz yerdam qo‘lingizni cho‘zishingiz mumkin!
Qo‘shimcha malumot uchun +99891-411-3256 raqamiga qo‘ng‘iroq qilishingiz mumkin" - deyiladi xabarda.
