Германияда ўтаётган бокс бўйича жаҳон чемпионатида медаллар ўйналадиган палла етиб келди. Барча вазн тоифаларида 4 нафардан боксчилар қолишди. Гамбургдаги мусобақада бугун, 30 август — дам олиш куни. Ярим финал жанглари 5та вазнда эртага, 31 август куни, қолган 5та вазнда 1 сентябрь куни бўлиб ўтади. Финал жанглари 2 сентябрга белгиланган.

Ярим финалга қадар Кубанинг 7 нафар боксчиси етиб келди. Бу мамлакатниг бир спортчиси чорак финалда ютқазди. Ўзбекистон ва Қозоғистон делегациялари ярим финалда олти нафардан боксчи билан иштирок этадиган бўлди. Ҳасанбой Дўсматов (49 кг.), Жасурбек Латипов (52 кг.), Иқболжон Холдоров (64 кг.), Шаҳрам Ғиёсов (69 кг.), Бектемир Мелиқўзиев (81 кг.) ва Санжар Турсунов (91 кг.) ЖЧдан медаллар билан қайтиши аниқ бўлди.

Шунингдек, ярим финал босқичига АҚШдан 3, Озарбойжон ва Россиядан икки нафардан боксчилар етиб келишди. Яна 14 мамлакатнинг бир нафар спортчилар ушбу босқичида иштирок этиш ҳуқуқини қўлга киритишди.

Бокс бўйича ЖЧ, ярим финаллар

31 август, пайшанба

49 кг.
22:00. Йоанис Аргилагос (Куба) - Жомарт Ержан (Қозоғистон)
22:15. Юрберхен Мартинес Ривас (Колумбия) - Ҳасанбой Дўсматов (Ўзбекистон)

56 кг.
22:30. Қайрат Ералиев (Қозоғистон) - Питер МакГрейл (Англия)
22:45. Гаурав Бидҳури (Ҳиндистон) - Дук Раган (АҚШ)

64 кг.
23:00. Фреудис Рожас (АҚШ) - Иқболжон Холдоров (Ўзбекистон)
23:15. Ховханнес Бачков (Арманистон) - Энди Крус Гомес (Куба)

75 кг.
23:30. Абилхан Аманкул (Қозоғистон) - Камрон Шоҳсуварли (Озарбойжон)
23:45. Александр Хижняк (Украина) - Трой Исли (АҚШ)

91 кг.
00:00. Евгений Тишченко (Россия) - Санжар Турсунов (Ўзбекистон)
00:15. Василий Левит (Қозоғистон) - Эрисланди Савон (Куба)

1 сентябрь, жума
52 кг.
22:00. Йосбани Вейтиа (Куба) - Тамир Галанов (Россия)
22:15. Ким Инкю (Жанубий Корея) - Жасурбек Латипов (Ўзбекистон)

60 кг.
22:30. Ласаро Альварес (Куба) - Отар Эраносян (Грузия)
22:45. Отгондалай Доржнямбуу (Мўғулистон) - Софиане Умиха (Франция)

69 кг.
23:00. Шаҳрам Ғиёсов (Ўзбекистон) - Аблайхан Жусупов (Қозоғистон)
23:15. Абас Барау (Германия) - Рониел Игласиес (Куба)

81 кг.
23:30. Хулио Ла Крус (Куба) - Карлос Мина Кайседо (Эквадор)
23:45. Жозеф Уорд (Ирландия) - Бектемир Мелиқўзиев (Ўзбекистон)

91+ кг.
00:00. Қамшибек Қўнқабаев (Қозоғистон) - Арсен Фоку (Камерун)
00:15. Жозеф Гудол (Австралия) - Муҳаммадрасул Мажидов (Озарбойжон)