«Манчестер Юнайтед» клубининг собиқ футболчиси Рой Кин футболчиларнинг трансфер нархи кескин ошиб кетганидан норози бўлди.
"Ҳозирги трансфер нархлар, айниқса ўртамиёна футболчилар баҳосининг осмонга чиқиб кетиши миямга сиғмаяпти. Профессионал футболчи бўлиш учун жуда қулай пайт етиб келди. Қанақадир ношудларга 35 млн фунт сарланмоқда!
Бироқ, бу футболчиларнинг айби эмас, бозорнинг аҳволи шунақа.
Ван Нистелрой ҳозир миллиард фунтга баҳоланган бўларди. Бекҳэм ҳам. Гиггз - икки миллиард!
Мен? 3,75 миллион фунт" - деди Кин.
Эслатиб ўтамиз, «МЮ» Рой Кин учун 1993 йилда «Ноттингем Форест»га шунча тўлаган эди.
