"Барселона" президентлигига собиқ номзод Аугусти Бенедито клуб раҳбари Жозеп Бартомеу ва унинг ёрдамчиларига ишончсизлик вотуми эълон қилмоқчи.
Sport.es хабарига кўра, Бенедито "блаугранас" офисига келиб, зарур ҳужжатларни олган. Энди у клуб аъзоларининг 16 мингта имзосини тўплаши керак.
"Бартомеу истеъфога чиқиши керак. У назоратни йўқотди. Ҳозир клубда бошқарувнинг жиддий инқирози юз бермоқда. Ўйлашимча, ташаббусимни клубнинг 40-50 минг аъзоси қўллаб-қувватлашга тайёр" - деди Бенедито.