Италиянинг Монца шаҳарчасида Формула 1 пойгасининг "Италия Гран-Приси" саралаши ўтказилди.
Унинг натижасига кўра, Мерседес жамоаси пилоти Льюис Ҳэмилтон ҳаммадан тез даврани қайд этиб, поулни қўлга киритди. Эртага бўлиб ўтадиган асосий пойгада у биринчи старт чизиғидан жой олади.
Бу британиялик Ҳэмилтон фаолиятидаги 69-поул бўлди. Бу эса Формула 1 тарихидаги рекорддир.
Иккинчи ва учинчи ўринлари Ред Булл пилотлари - Макс Ферстаппен билан Даниэль Риккардо қўлга киритди.
Италия Гран-Приси
Монца автодроми
2 сентябрь 2017 йил
Квалификация, Топ-10
1. Льюис Ҳэмилтон («Мерседес») – 1.34,660
2. Макс Ферстаппен («Ред Булл») +1,148
3. Даниэль Риккардо («Ред Булл») +1,287
4. Ланс Стролл («Уильямс») +1,478
5. Эстебан Окон («Форс-Индия») +2,165
6. Валттери Боттас («Мерседес») +2,279
7. Кими Райкконен («Феррари») +2,433
8. Себастьян Феттель («Феррари») +2,510
9. Фелипе Масса («Уильямс») +2,697
10. Стоффель Вандорн («Макларен») +3,603
