«Арсенал» жамоаси бош мураббийи Арсен Венгер Алексис Санчес учун 60-70 млн фунт (65-76 млн евро) қўлга киритиши мумкин бўлгани ҳақида гапирди. Ушбу футболчини ёзги трансферлар охирида «Манчестер Сити» қўлга киритишга ҳаракат қилди.

«Алексисда яна бир йиллик шартнома қолган. Биз унинг учун таклиф қилинган 60-70 млн фунтни рад қилдик, чунки, бундай футболчи кетса, унинг ўрнини тўлдириш керак. Бугунги кунда Англияда шартномаси тугашига бир йил қолган 107 футболчи бор. Бунда икки муҳим жиҳат мавжуд. Биринчидан, бундай футболчиларнинг барчаси жуда юқори маош талаб қилади. Иккинчидан, клублар клубни жиддий равишда ўзгартира олмайдиган футболчилар учун катта пулларни тўлашни исташмайди. 

Трансфер нархлари ҳақиқий ҳаётдан узилиб қолди. Мана қаранг: Усмон Дембеле ўтган йили 15 миллион евро эди, энди эса — 150 миллион евро. Уни қанчалик яхши тарбиялашган бўлмасин, бир йил ичида нарх 135 миллион еврога ошиши мумкин эмас», — деган Венгер beIN Sports эфирида.