Италия чемпионатининг 3-туридан ўрин олган “Лацио” – “Милан” учрашуви ноқулай об-ҳаво шароити туфайли номаълум муддатга қолдирилди.
La Gazzetta dello Sport хабарига кўра, ўйин ёмғирли об-ҳаво туфайли кейинчалик бўлиб ўтади. Ҳозирча муддати аниқ эмас.
Айни дамда Рим шаҳрида метро ва йўллар сув билан тўлган, шунингдек, шаҳарнинг айрим қисмида электр қувватида узилишлар содир бўлмоқда.
Рим шаҳри ҳокимияти стадионга тўпланган мухлисларнинг хавфсизлигини таминлай олмаслиги учун айнан шу қарор қабул қилинган.
Ўйин бугун, 10 сентябрь куни соат Тошкент вақти билан 18:00 да бошланиши режалаштирилганди.
