Осиё чемпионлар лигасида ярим финалга йўл олган иккинчи жамоа номи аниқ бўлди. Хитойнинг "Гуанжоу Эваргранд" ва "Шангхай СИПГ" жамоалари ўртасидаги жавоб ўйини ўта қизиқарли кечди.

Ёдингизда бўлса, Шангхайда бўлиб ўтган дастлабки ўйинда Аҳмедов жамоадошлари 4:0 ҳисобида ғалаба қозонишганди. Мана шундай йирик ҳисобдаги мағлубиятга қарамай, Сколари шогирдлари жавоб ўйинида матонат кўрсатишди. Биринчи бўлимда 2та, иккинчи бўлимда киритилган 2та гол натижасида "Гуанжоу" асосий вақтни 4:0 ҳисобида ўз фойдасига ҳал қилди. Натижада Алиризо Фағоний қўшимча бўлимлар белгилади.

Қўшимча бўлимларда бир киши кам бўлиб ўйнаётган меҳмонлар битта жавоб тўпини киритишга муваффақ бўлди. Халк олис масофадан жарима зарбаси ажойиб тарзда голга айлантирди. Орадан кўп ўтмасдан мезбонлар пенальти орқали ҳисобни 5:1 кўринишга келтиришди.

ОЧЛ регламентида қўшимча бўлимларда киритилган гол "сафардаги гол" қоидасига киритилмаслиги боис, икки ўйин натижасига кўра ҳисоб тенглашди. Шу боис, жамоалар ғолиб номини пенальтилар сериясида аниқлашди.

"Гуанжоу"нинг илк зарбаси устунга тегиб қайтди. Қолган 9 футболчи ўз имкониятидан самарали фойдаланди. Жумладан, Одил Аҳмедов ҳам 11 метрли жарима зарбасини голга айлантирди. Пенальтилар серияси — 4:5, "Шангхай СИПГ" ярим финалда! Виллаш-Боаш жамоасига ярим финалда Япония клуби рақиблик қилади.

ОЧЛ, чорак финал, жавоб ўйини
"ГУАНЖОУ ЭВЕРГРАНД" - "ШАНГХАЙ СИПГ" - 5:1.
Асосий вақт - 4:0. Қўшимча бўлимлар - 1:1. Пенальтилар серияси - 4:5
Биринчи ўйин - 0:4