«Ювентус» бош мураббийи Массимилиано Аллегри ЕЧЛ 1-тури доирасида бўлиб ўтган «Барселона»га қарши ўйин (0:3) борасида ўз фикрларини билдириб ўтди.

«Ўйинимиз ёмон чиқмади, аммо бундай ўйинларда имкониятлардан фойдаланишимиз керак. Рақиб бизни биринчи хатомизданоқ фойдаланди. Танаффусга 30 сония қолганида Мессини тўхтата олмадик, унга нисбатан фол ишлата олмадик.

Танаффусдан кейин Дибалада яхши имконият юзага келди, аммо «Барселона»га бўш ҳудуд берилса, уни тўхтатиб бўлмайди.

Ўтган мавсумда «Ювентус» Туринда ажойиб ўйин ўтказганди ва ўз имкониятларининг аксариятидан фойдаланганди. Энди эса Чемпионлар лигасининг янги мавсуми бошланди. Биз гуруҳ босқичини муваффақиятли бошламоқчи эдик, аммо уддалай олмадик. Энди «Олимпиакос»га қарши кечадиган кейинги ўйинда 3 очко олишимиз керак.

Биз бу ерга келиб, «Барселона» устидан ҳукмронлик қилишни режалаштирмагандик, аммо бизда гол уриш учун имкониятлар бўлди», – деди Аллегри.