Ҳар қандай камситишга қарши курашувчи Kick It Out ташкилоти "МЮ" фанатлари куйлаётган Ромелу Лукаку ҳақидаги қўшиқни тақиқлашга чақирди.
Маълумки, мухлислар "Базель" клубига қарши Чемпионлар лигаси ўйинида бу қўшиқни куйлаб, ҳаммани ҳайрон қолдиришганди. Унда бельгиялик футболчининг тўпурарлик қобилияти билан бирга, унинг олати ҳам жуда катта экани ҳақидаги мисралар бор.
«Қўшиқ матни ҳақоратларга тўла, унда ирқчилик аломатлари бор. Уни омма олдида куйланишига чек қўйиш керак. Биз "МЮ" билан боғланиб, бу муаммони ҳал қилишга ҳаракат қиламиз" - дейилади ташкилот баёнотида.
