«Манчестер Юнайтед» бош мураббийи Жозе Моуриньо ҳужумчи Антони Марсиални нега захирада қолдираётганини айтди.
Маълумки, футболчи жорий мавсумда фақат учта ўйинда асосий таркибда майдонга тушган эди.
«Биламан, унга қийин, аммо бошқаларга ҳам осонмас. Ҳозир жуда кўп футболчиларнинг жисмоний ҳолати яхши. "Бёртон"га (Лига Кубоги, 4:1) қарши ўйинни оладиган бўлсак, ҳужумда - Марсиал, Рэшфорд, Хуан Мата, Жесси Лингард. Улардан қайси бири захирада ўтиришга лойиқ? Ҳеч бири. Бундан ташқари, яна Ромелу Лукаку ва Генрих Мхитарян ҳам бор, жами 6 ҳужумчи. Мен бир вақтнинг ўзида 6 ҳужумчини туширолмайман» - деди Моуриньо.
