"Барселона" раҳбарияти жамоанинг собиқ футболчиси Жереми Матьёнинг гапларидан ҳайратга тушди.
"Спортинг" ҳимоячиси испан матбуотига берган интервьюсида айтишича, агарда Каталония жамоасига гол урса, албатта буни нишонлайди.
Агарда рақиб дарвозасини ишғол этадиган бўлса, голни "Барселона" президенти Хосеп Мария Бартомеу ва спорт директори Роберт Фернандесга бағишлайди. Шунингдек, Матьёнинг икки сўзи Бартомеу ва унинг жамоаси учун жуда оғир ботган.
Манбанинг хабарига кўра, Бартомеу ва Фернандес бундан ҳайратга тушган. Бироқ улар Матьёнинг манзили томон бирор гап айтишмаган. Томонларнинг шартномани бекор қилишида ҳеч қандай адоват бўлмаган.
