ФИФА агенти Владимир Абрамов Россия терма жамоасининг навбатдаги ўртоқлик ўйинидаги рақиби Жанубий Корея ҳақида ўз фикрларини айтди.
Маълумки, кореяликлар ЖЧ-2018 саралаш гуруҳида Эрондан кейин 2-ўринни эгаллаган эди.
"Жанубий Корея жаҳон чемпионати йўлланмасини катта қийинчилик билан қўлга киритди. Ўзбекларда имконият бор эди, агар улар ғалаба қозонганида, Жанубий Корея йўлланмасиз қоларди. 2-ўрин билан жаҳон чемпионатига чиқиш - кореяликлар учун шармандалик!
Уларда мураббийлар билан боғлиқ муаммолар ҳам юзага келди. Немис мураббийини ишдан олишди. Маҳаллий мураббийни тайинлаб, энди ундан ҳам норози бўлишяпти. Умуман олганда, саралаш турнири охирида уларда мураббий ва таркиб бўйича муаммо пайдо бўлаверади.
Ўзбекистонга қарши ўйинда европалик легионерларнинг ўйини ҳафсалани пир қилди. Улар гўё бир жойда туриб қолгандек эди. Сабаби? Ўзбекистонда иқлим бошқача, ҳаво иссиқ. Европадан келганлар учун бу оғир" - деди Абрамов.
