«МЮ» бош мураббийи Жозе Моуриньо ЕЧЛ гуруҳ босқичи доирасида бўлиб ўтган «Бенфика»га қарши ўйин борасида ўз фикрларини билдириб ўтди.

«Биз ўйинни тўлиқ назорат қилдик. Де Хеа деярли ишсиз қолди. Бугун гол ўтказиб юбормаслигимизга ишончим комил эди. Мудофаа ажойиб ўйнади. Баъзида мустаҳкам ҳимоя жиноятдек кўринади, аммо футболда ғалабалар шундай ўйин орқали қўлга киритилади.

Плей-офф йўлланмасини нақд қилишимиз учун бизга яна 1 очко, гуруҳ ғолиблигини қўлга киритиш учун битта ғалаба керак. Боз устига, ихтиёримизда 2та уй ўйини бор.

«Бенфика» дарвозабони кучли эканини билардим, бу ҳақда футболчиларни огоҳлантиргандим. Рақиб посбони ўзини эркин ҳис қилмаслиги учун бизда маълум режа бор эди, айниқса, стандартлар пайтида. Ўтказиб юборилган гол пайтида унинг омади келмади.

«Бенфика» 90 дақиқа давомида босим қила олмаслигини билардик. Улар «Ливерпуль» қилган ишни бажара олишмади. Босим ташкил қилишмаганида, улар гол ўтказиб юборишлари мумкин эди. Шундан кейин биз бироз тезликни оширдик ва гол уришга муваффақ бўлдик. Ҳужумдаги ҳаракатларимизни инобатга олганда, ҳисоб янада йирикроқ бўлиши мумкин эди», – деди Моуриньо.