«Реал» бош мураббийи Зайниддин Зидан Испания Ла лигасининг 9-тури доирасида бўлиб ўтган «Эйбар»га қарши ўйин (3:0) борасида ўз фикрларини билдириб ўтди.
«Натижадан қониқиш ҳосил қилдим, аммо янада яхшироқ ўйнай олишимиз мумкин. 3:0 ҳисобидаги ғалаба – яхши якун. Биз ҳимояда муносиб ўйин кўрсатдик, аммо ўйинимиз идеал чиқмади.
Таркибда ротация қилишимга тўғри келди. Бусиз баъзида идеал ўйин кўрсатиш қийин.
Оғир кечган ҳафтадан кейин Бенземага дам беришга қарор қилдик. Шу боис, у бугун захирада қолдирилди. Бу шунчаки оддий ротация. Унга дам беришга қарор қилдим, аммо у захирадан майдонга тушиб, яхши ўйин намойиш қилди.
Кимдир Бенземани имкониятидан юқори баҳоланган футболчи деб ҳисобласа, мен унинг фикрига қўшилмайман. Унинг ўйини менга ёқади, аммо ҳамманинг фикри турлича», – деди Зидан.