Қатар Юлдузлар Лигасида фаолиятини давом эттираётган ўзбекистонлик ҳужумчи Темурхўжа Абдухолиқов 6-турда дублга эришди.

У тўп сурадиган «Ас-Сайлия» клуби аутсайдер мақомидаги «Қатар СК» майдонига сафар этиб, йирик ғалабага эришди. Абдухолиқов ҳисоб очувчи голга муаллифлик қилган бўлса, 2-таймда пенальтини аниқ амалга оширишга муваффақ бўлди.

6 та ўйиннинг барчасида майдонга тушган Абдухолиқов 6 та гол уришга муваффақ бўлди. Шуларнинг 2 таси пенальти маҳсулидир. Қатар Юлдузлар Лигасида 11 та голи бор Ал-Арабий тўпурар бўлиб турибди. Абдухолиқов эса ундан кейин иккинчидир.


Мазкур турда яна бир ўзбекистонлик футболчи — Санжар Турсуновнинг «Ал-Харайтият» клуби 0:0 ҳисобида дуранг ўйнади. Айни пайтда «Ас-Сайлия» 5-ўринни эгаллаб турган бўлса, «Ал-Харайтият» 7-ўринга жойлашган. Лигада Сардор Рашидовнинг собиқ жамоаси, ўтган мавсум якунларига кўра, 2 та клубнинг бирлашишидан ҳосил бўлган «Ал-Дуҳайл» пешқадамлик қилмоқда.

Қатар Юлдуздар Лигаси, 6-тур беллашувлари
28 октябрь, шанба
«Қатар СК» — «Ас-Сайлия» 1:5
Голлар: Темурхўжа Абдухолиқов, 14 (0:1). Вагнер Рибейро, 23 (0:2). Валентин Лазар, 45 (0:3). Темурхўжа Абдухолиқов, 49-пен (0:4). Валентин Лазар, 62 (0:5). Майкл Бабатунде, 90 (1:5).

«Ал-Маркия» — «Ал-Харайтият» 0:0