ЕЧЛ гуруҳ босқичи сўнгги турида «Манчестер Сити» дарвозасини ишғол қилган «Наполи» яримҳимоячиси Лоренцо Инсинье якуний натижадан бироз норози.
«Менимча, агар бизнинг ўйнимизни инобатга олса, натижа адолатсиз бўлди. Европанинг энг кучли клубига қарши баҳснинг катта қисмини ўз устунлигимиз остида ўтказа олдик.
Агар шундай ўйнашда давом этсак, гуруҳдан чиқишимиз мумкин.
Рақиб дарвозабони Кальехоннинг зарбасидан сўнг шунчаки, такрорланмас сейв намойиш этди. Ҳисоб 2:3 бўлиб турган вақтда эса бизда жуда кўп вазиятлар бўлди.
Ўйин охири эса биз учун аянчли якун топди: ўз вазиятларимиздан фойдалана олмадик. Ўз дарвозамиздан тўп ўтказиб юбордик» – дея ўз фикрларини изҳор этди Инсинье.
